日升日跌

一日升一日跌..個市究竟係度做緊d乜？我唔敢亂估, 淨係覺得有趣味。
有人俾個市震走,也有人係咁入貨..十五十六既人都有好多, 無他的, 市況好唔穩定, 有人睇好
有人睇淡。邊個先0岩？要由時間去證明。

但係最緊要知道自己做緊d咩呀, 例如壽仔, 35蚊開始跌, 我31蚊左右可以入, 有人28/29入, 但係25/26忍唔住走人, 而我就一直入。 我睇長線，只要無野影響對壽仔既長線收入, 我當然歡迎股價下跌, 因為我唔係短炒。但係如果你係想短炒壽仔,你係用咩原因入市？又用咩原因離場？
入市係用真金白銀, 用血汗錢,真係要諗清諗楚先好做決定。可能第時壽仔跌去廿蚊, 咁我就傻仔..
但係呢d唔緊要, 最緊要背後既原因。

話說兩頭,如果想短炒, 何不炒油,炒金炒,航空股呢？短線要波幅大先有肉食丫麻..

v仔係咁俾人唱淡, 我見佢面對既問題越來越多,
1.油價
2.人仔
3.美國經濟越來越差
4.無論電話,玩具.都無咩新產品
5.現金多..好似想玩收購, 不過記得以前收購at&t..出過事..今次都未敢太睇好, 始終都係遲高風險
6.唯一既好就係息高...

不過我都係睇位走人算...我都係偏愛壽仔多d