講價

唔好為以街市買菜先可以講價呀..或者深水埗買電腦先有價講...
就算豐澤、百老滙、國美.....呢d大型既公司都可以講價。
你唔問有無得平，佢地就賣過正價俾你。
大家真係唔洗怕唔好意思，只係係係咁e問
-一次look卡，唔做分期有無得平？
-俾cash有無得平？
-乜都唔送有無得平？
-人地邊間..仲平過你喎...
如果遇到好既sale就好快平俾你，衰既sale一開頭都係話無..又呢樣又講野..你扮下好有意思想買，問多兩句..未又係改口話有-_-。
所以大家如果去個d地方買貴野..就記住講價，尤其係d 電腦呀電話呢d食水咁深既產品。

最近幫人買notebook 折左六千蚊都可以再平$300，雖然同黄金個價仲貴少少..但係係呢d地方買野，信心始終好d，無人會用舊貨呃你，親眼睇住佢拆箱，又可以慢慢俾你檢貨。