博下反彈先

一直都係叫人減持，防手，好耐沒有確實地進攻，星期五以34.9買入2628，因為小弟覺得下個星期有機會反彈=0=

1.沒有出現連續3個星期下跌
2.這個市場己經過度恐慌，一句抄錯市，表錯情，就可以跌近千點，
3.要由大升市去變成一個大跌市，應該要經濟體系出現問題。小弟無知，現在所謂的壞消息，加息,加準備金，防炒樓...就係為了預防未來的泡沬，短暫只會為小弟提供買入的機會。
4.長遠來說，我只怕退市...幾時退，退幾多？不過e家都唔洗驚住，都係博下反彈先。

話明博反彈..時間只係好短約1-2個星期。

減持過後便是收集期

不幸地，小弟只減持了一點點，股市己經急不及待掉頭下跌。但上調準備金，只對內銀/內房股短期有所影響，對保險業應該是好消息。市場應該是反應過敏吧，也好給我們一個機會慢慢一點一點收集吧。

新股孖展and 減持對象

孖展約100萬，獲得9手 2601
以32.9計，帳面獲利約8800
孖展息，同手續費應該600以下

係得花樣..要蝕=_=,只係想講如果知道自己做緊乜野，借孖展買股票也可以好安全。

除非今個禮拜升破關鍵位，唔係就按計劃減持，對象係
一d表現比較差既股票 1777或者2009。

係一個投資組合，有一d股票升得快d，一d升得慢d，一d仲要蝕添。
有d人會放左升個d ，因為一賣就會獲利。
有d人唔肯放左蝕個d，因為一賣就即係輸錢，佢地以為一日唔放就一日都有機會，遲早會升返。
如果你有咁既心態就錯了，你應該平心而論，睇公司資料也好，睇圖也好，去比較2隻股票那一隻上升的可能比較大。
根據經驗，有得升得股票通常會繼續升，跌就繼續跌，所以一般情況下，你都應該賣出表現較差既股票，而等待機會買入表現比較好既股票。

投資組合

我是反對分散投資去減低風險呢個睇法，事實上單單係2628 己經賺到唔少。如果你對一隻股票有信心，咁你買一隻己經夠。如果你對股票係無信心，點解仲要分散投資去買多幾隻股票呢？買多幾隻你就要擔心多幾隻？不如集中精神選擇一，二隻股票，效果更好。不過事實上跑得比2628快既股票有很多，我還是應該分一部份錢去買呢d股票。09年買過hsbc, 同一d新股，暫時既投資組合
2628
2601
1099
2009
1777

小弟貪呢d新股短時間內會跑得快一些，升得多一些，不過如果有留意小弟吹水的話，都知道小弟在這個反彈中減持，短期未敢太過看好，但以我記憶，應該沒有一年就完結的牛市，最少有2-3年玩吧，但2010年究竟仲可以升幾多呢？當然我唔相信會升得比2009年多，所以我唔會好似以前咁博，第一個目標應該係持有一些現金吧。