Battle at Kruger

Battle_at_Kruger
新增時間： 2 年 以前
上傳者： Jason275
觀看次數： 46,734,210

8分鐘,全部睇晒=0=, 緊張刺激！


睇到到牛既天性，其實明明夠打，但係一見到老虎就即刻走，連隻小牛仔都唔理。
不過牛係好團結=0=, 以後我吹雞唔叫拖馬..叫拖牛..型d.
老虎係天生既捕食者，由頭到尾佢都係追住隻小牛仔。
鱷魚淨係識得抽水，成日等運到，抵佢食白果！

速讀速讀速讀速讀速讀速讀速讀

速讀是必要的技巧！點解？

以1分鐘計，有人只可以讀100隻英文字，有人可以讀800隻。
1個鐘相差700隻，
一日工作8小時，相差5600隻，
一個星期，相差39200隻.....................

大家對數字唔係好敏感，39200即係點？
以小弟來舉例，一份specifcaion有191300字，除以39200係4.88。
如果睇同一份speificaion，兩者就相差了4.88個星期，即係當你好辛苦睇完1份speifcation，
人地睇左5份！
如果以人工計，人地可以出５份糧了．．．或者可以吞ｐｏｐ１個月．．．點都好，時間就係金錢！

以一般學生來講，人地點解可以10個A,你就得6個丫？6個absent喎 = =
你身邊總有d人温得個一陣書, 考試又好鬼死高分（我唔係指我，雖然我係）
點解呢？點解呢？點解呢？
人地唔通一出世就識計數？一出世就識英文？唔係唔係．．．．
因為人地讀野夠快，理解力，記憶力強。

e家就係研究第一步讀野點樣先夠快！

去片先！
http://www.youtube.com/watch?v=BQQjxj7sZi4&feature=fvw
http://www.youtube.com/watch?v=6TVxfe01aVY

仲有個測試，同練習
http://www.rocketreader.com/
我得28x per min..所以都要緊記以下心法，好好練習。

1.專心再專心，唔可以俾人嘈，唔可以聽歌
2.唔可以讀隻字出口，心讀更加唔可以，要記住當你一讀你就慢了
例如: 我係一隻狗，把口正在張開
你讀完呢十一隻字，你得到d咩資料丫？我當你叻,2秒讀完。

但係請你睇下呢幅圖，你一眼就睇完，呢幅圖就等於讀左個11集字。
1眼 同2秒，點比？



3.一望唔係望一隻字，係望幾隻字。 你隻死人眼咁大隻，用來望住一隻字？浪唔浪費d呀？一次望幾隻字絶對唔係問題，你起初可以3,4隻,慣左之後再慢慢加，之後就可以8隻,10隻的了。
4.焦點不可似停，眼要不停咁掃
5.仲有d基本野，例如先睇toc(table of content),睇頭睇尾，其實都係要大家係讀之前大既知道有d咩讀，係未你需要既野。

又中奸商漫游收費陷阱

小弟用iphone3G, 有時要返廣東過夜，去一去收我3舊水，
，我即刻打佢鬧到佢死，跟住話有機會退返d錢俾我，
你老尾，咩叫有機會呀？你唔俾返d錢我，你睇我燒唔燒左你間鋪！
Roaming Wireless Data Charges 漫遊流動數據收費 25/07/09 $ 297.05

N年前去印度做野又係咁，數碼通係咁ｄ廣告send sms俾我，
跟住屈我要收我漫游ｓｍｓ！平時又唔見你send sms俾我，係要去左印度先send?
係要我去鬧完你，你先肯退錢。吊你地ｄ奸商，呢個世界係多傻仔姐，未當我係先得嫁！

避免又中招，可以熄左個漫游︰
設定－＞一般－＞網路－＞資料漫遊

吊你個ａｐｐｌｅ，呢ｄ咁狗既設定 by default 要disable ar！你地有無良心嫁！

不方便的pantry

幾日前公司既阿姐同係咁講公司既pantry 好唔掂，講到有火添....其實我用左咁耐都
只係發現到一個唔方便既地方，真係慚愧。

請看看以上簡陋的圖，想一想到到地這個pantry有幾多不方便的地方呢？

過幾日開估...哈哈

=======================================================
第一個係水係放係門後面，
當門打開的時候，卙唔到水
當門關上的候候，可以卙水，不過有人開門既時候會撞到你

第二個係垃圾筒離洗手盤太遠
咁洗完碗d殘渣就會留係洗手盤 ，d人唔會咁有手尾返去垃圾筒

第三個係電水煲太近洗手盤
d人洗完碗就順手law食水來用，好快無晒

講價

唔好為以街市買菜先可以講價呀..或者深水埗買電腦先有價講...
就算豐澤、百老滙、國美.....呢d大型既公司都可以講價。
你唔問有無得平，佢地就賣過正價俾你。
大家真係唔洗怕唔好意思，只係係係咁e問
-一次look卡，唔做分期有無得平？
-俾cash有無得平？
-乜都唔送有無得平？
-人地邊間..仲平過你喎...
如果遇到好既sale就好快平俾你，衰既sale一開頭都係話無..又呢樣又講野..你扮下好有意思想買，問多兩句..未又係改口話有-_-。
所以大家如果去個d地方買貴野..就記住講價，尤其係d 電腦呀電話呢d食水咁深既產品。

最近幫人買notebook 折左六千蚊都可以再平$300，雖然同黄金個價仲貴少少..但係係呢d地方買野，信心始終好d，無人會用舊貨呃你，親眼睇住佢拆箱，又可以慢慢俾你檢貨。

大埔去科學園返工

地圖上好近，實際上我要撘３程車，

1.ｋ巴去大埔火車站
2.火車去大學站
3.大學站再撘九巴去科學園
超級麻煩．．全程程約要３５分鐘。

有日心情唔靚︳忍唔住，好唔想撘呢３程車，放工就沿住海邊行返去，點知唔洗１個小時就行返屋企。真係想爆晒粗口，有無搞錯，我慢慢行都只不過係１個小時，撘車都係快個２５分鐘！有無搞錯ｘ１０ｘ１００ｘ１０００００．．．．．．．．．

所以我買左單車，計埋ｌａｗ車，鍞車．都唔洗２５分鐘，仲要快過可惡既車程最少１０分鐘！

計下ｄ車錢
－１日來回要(3.3+3.5)*2=13.6
－車連鍞連籃要450

即係話．．．．我踩３４日就
－金錢上打和．．
－時間上慳左780分鐘！
－體能應該好ｄ掛．日日踩４０分鐘單車
－賺左車連鍞連籃

之後就係淨賺的了！^_^

與敵同行

與敵同行講一個白白坐完十年牢既人，要証明自己清白既故事。
故事流程大概下
1-"希"找出十年前既兇手
2-"希"搜集十年前兇手既証據
3-"希"搜集"言"現在貪污既証據
4-"希""言"互相設局
5-"希"一直追求carmen

最吸引是1,2, 因為要找出十年前找不出既証據，談何容易呢？
但當然係做戲咁戲..d線索慢慢咁走出來....睇故唔好駁故，嚴格上我幾鐘意睇呢套戲..
但係都有以下問題:
1."言"唔應該講大話呃希"、"業"才是兇手，因為呢個大話一定拆穿，一俾人拆穿..傻既都知"言"先係兇手！所以呢步係大錯特錯！

2.做戲一定好多巧合，咁先可以揾到証據，但戲中一直強調既錄音帶..真係講得有點馬虎-
-係居企做咩要錄音呀？
-如果要錄音，都應該錄到"希"同個阿叔嘈交..然後"言"先來到....但係又無..如果有..己經係決定性既証據
-十年前場火燒唔爛？
-就算場火唔爛..盒帶應該去左"希"個媽到..點會去左個二奶到嫁？
-十年後場火..就無左.........

3.遺產執行人
-分家產就算啦.."言"又要做執行人..如果佢無左個權..咁點會掙家產呢？

3.貪污既証據
-其實"言"又始之終都無交個report俾保險公司...我唔明點樣可以控告佢law...

4.十萬就可以叫一個人走佬？會唔會太少呀？2628都買唔到5手啦！

5.最尾既局中局太天真太假
-"言"無理由要殺大舊law..佢死就又未必嫁禍到俾"希"啦..！十年前無人知你咁狗先俾你屈到機..e家你揚晒，大舊一死..你有動機又無不在場証明...簡真係苯計一條
-"希"係的士到洗乜咁傅命打電話係"大舊"呀？
-"大舊"又洗唔洗叫的士司機開快d呀...如果希追唔到架的士點算呀？
-呢d擺明係玩觀眾啦！


6."言"最後要"希"死..咁一刀插落去未算law...搞咁多做咩呢...正義必勝..邪惡必敗..係戲中不變既定律。


我有時都好同情"希"白白坐左十年，咩都無晒，所以都好想佢可以law返個清白，但係佢law清白既過程中，犠性左好多人，
-業要死食貓
-麻麻俾佢激死左("言"呢度又好唔小心，"希"竟然會俾隻光碟自己..要知道麻麻一直好錫"希"，希係無可能出賣麻麻！肯定係隻碟無用..希先俾返自己啦..笨)
-kelly既感情..
kellly又靚又好人..咁都忍心去呃..俾佢呃己經慘..最後又要俾編劇既人醜化佢, 佢最後幫"言"..個幕真係得人驚..代表左平時有幾好既人..只要一點之差就會做壞事...真係可怕。

-言受罰就係罪有應得因為佢本身係邪惡,係壞蛋。

如果我係"希"有無一個好方法可以還我清白，而唔洗咁多人受苦呢？

滙豐差d食我張卡(必看！)

我諗好多人都去過櫃員機入卡law錢, 我咁大個仔都未俾佢食過卡...
今晚就差差d中招


入完卡部機hang左係個廣告畫面，幾分鐘, 發覺唔對路, 賣廣告唔洗賣咁耐掛？
唔通俾部機食左我張卡？咁點算？熱線幾多號？
部機一印左個熱線, 心諗..真係xzy..即係打熱線27484848

好快有接線生聽電話, 問左幾句, 講左櫃員機既地址, 佢話要等等,叫同事馬上查下,
等左一陣, 個廣告消失左, 入返正常畫面, 我拿拿臨, law完走, law 卡走人。
佢都仲未應我, 我以為真係hsbc個network真係咁勁秋, 仲係度讚佢效率奇高,
點知佢一出聲就叫我報失, 佢話最近network成日有事, 所以d機好慢, 我心諗無理由
慢成10分鐘掛！

算啦, 呢個故事, 教訓我 就算疑似食卡都唔好走,如果你走左..佢轉頭嘔返張咭出來俾人law左點算呀！ 幾大都要打電詁, 同埋等可能有奇蹟出現,


滙豐................唉！

MHP2G 四小強

當MHP2G 出既時候, 諗住唔打, 因為太浪費時間..
但係人邊好多人都話MHP2G有關大連續好難打...我又唔信呀..
話晒MHP2都LAW左個劍聖頭盔呀！有咩難到我先？

咁就開始玩下啦...尋日終於有呢一版出來..開頭好似好難打,
不過失敗幾次之後, 睇下YOU TUBE D人點打,
http://www.youtube.com/watch?v=A9oKGdlLgOo&feature=related
不過我跟唔到佢地咁勁, 但係都好快打嬴左LU。


金獅裝
達人大劍G
加珠發動->拔刀術

調合書1,2,3
大回X10
回X10
力之爪
力之護符
守之爪
素材彈X30
音爆彈X10
閃火彈X5
光蟲X10
網X3
砥石X10
興奮磨姑X10
怪力之種X10
忍耐之種X10
強走藥X5
秘藥X2
回家彈
蜂密X10
麻穴
落穴
陷阱工具


應該帶強走藥GX5, 不過我懶得找點調合, 又深信好快可以殺死D小強, 所以算啦
食埋奶,同酒做貓飯,

體力+50
耐力+50

就衝入去打啦！興奮磨姑同素材彈調合成回家彈, 呢個好好用呀..打金獅有咩唔小心...
一下可以返屋企補血...好正嫁！不過會搞到D大回用唔晒嫁..哈哈

雄火龍
-等佢跳上去..蓄力3段斬頭
-擺尾可以偷斬
-噴火又可以蓄力3段斬頭

機會好多..約5分鐘KO

轟龍
-食強走
-閃光彈
-如果發傻, 蓄力3段打頭, 若不也可快斬頭一下
-靠牆企, 引佢咬實牆再蓄力3段斬頭, 有時唔夠時間就3段斬身
-
打得慢...8分鐘先KO

迅龍
-音爆彈
-佢條尾樹起時(特别姿勢), 扔出音爆彈, 就3段斬頭, 後可以係肚肉亂斬
-佢張大個口時要避..唔係扣好多血
-其實我唔係好識打迅龍 (因為MHP2無丫麻)..又扔唔中音爆彈...
.要用左十幾分鐘先斬死佢.. 而且俾佢殺死左..>_<

金獅
-好簡單咁...用2個麻穴,3個落穴(每個落穴可以3段斬頭3次) 送佢歸西
-其實唔用都得,
-射光線就3段斬頭,
-出拳就斬腳
-跳後就追佢頭來斬

10分鐘KO了, 打完仲有剛角...正呀！

自問唔係高手.........不過要過關應該難唔到我既..呵呵
因為我唔識打迅龍都打得嬴, 所以大家唔好氣餒..加油啦！