行到樓梯

我都唔記得幾耐無行到樓梯，今日終於行到樓梯了...好感動...差少少流埋眼淚 @o@，但係我應承自己唔可以再喊.。

行得好唔自然，因為好怕痛。點解會咁怕痛，因為我試過一發力行，痛到好似一支針插落去，即刻趺到係地下，所以呢幾個月都唔敢出力。今日試過一步無事唔痛，即刻把握機會行多幾步，我知道我要多多練習先可以克服自己既心理障礙。

我唔知幾時變成咁，衰過一次，錯過一次，就會好容易避開佢，唔理佢，心諗唔再做未唔再做就唔會再錯啦.又洗乜去正視個問題，洗乜搞咁多野。唉..我以前唔係咁..有錯即刻去改，從錯誤中學習............真係唔知幾時無左呢個咁好既習慣。

大家唔好學我，有問題要去正視唔好逃避，咁先有進步，祝大家身體健康。

自信心不足

最近都唔知咩事，連同人講句野都唔敢.. 成日覺得自己搞錯...激氣呀。

2628升得好勁，可能只係跟大市升，或者同業績公布有關。佢之前發左"仍"警，數字上一定唔好睇，個時股價即時插水，但係越近業績公布就越升越有，哈....再升？升到你唔信先算升。

腳傷未好

股市無咩好講，返工又忙都嘔，唔想講返工d野，唯有講下腳傷。
上個禮拜，有朋友介紹去睇骨專科，佢咁0岩又要去揾個醫生，真係好，有人陪住都無咁驚。

以下係對答︰
我︰膝頭好痛，痛到行唔到，試過痛到跌底幾次。
醫︰你咁後生，唔應該有咁個病(老化)，放心，等我檢查下。
-----跟住佢拉下我隻腳，按下d位，有度我痛到彈起
醫︰好似好嚴重，唔似老化 可能有積水..你怕唔怕痛
我︰唔怕
醫 ︰我幫你抽d積水出來
-----都唔夠1分鐘..針己經插入(好大支)
我︰呀
醫 ︰忍住呀 揾唔到積水..要過去第二邊抽
我︰呀
-----真係好痛
我︰呀 醫生我好痛
醫 ︰ 我知道
----過了良久
醫生: 都無乜積水喎, 其實我都唔明你個病因，可以話係原因不明，
咁啦 開d勁既消炎藥俾你，食完仲係痛 就做磁力共掁
----我都痛到無返應,
今個禮拜 雖然仲有d痛，我無去覆診，因為公司又忙，自己星期六又訓過龍。

其實e家係行樓梯 行唔到，跑唔到，行平路都ok。只不過有時成日送車尾，唔跑就無事。
我記得我以前好鐘意追車，就算左站，要追3條街 ，我都會追到。
e家唔追唔跑唔跳，我都係一個正常人來既。

哈 我記得以前同人開過玩笑，如果我跛左會點，e家唔算跛，不過以後都係唔好開呢d玩笑，
一d都唔好笑既。

HSBC

http://www.youtube.com/watch?v=OwFr_Dnkvcc









自己當然hold住了hsbc股票，由$5x 跌到 $3x ，無放到 都無驚到。
今日報紙好多都用"驚見滙豐$33"為題，同埋以"青姐"喊晒口咁..去表達$33 既滙豐 既罕見性,
我真係覺得好好笑。

臨尾個競價時段，幾秒鐘 "則" hsbc 由37 去到 33, 為乜？
我估好多人都知 hsbc $28既供股..係又幾間大野包銷的，即係如果最尾無人供hsbc 股， 佢地就可以用$28買晒。

問題來啦...佢地想唔想用$28既價錢去買hsbc呢？

假設佢想用$28蚊供，佢要令到d人唔供 佢先有機會， 所以佢地會則低hsbc個價。
假設佢唔想用$28蚊供，咁就要令到d人係咁供，咁就要炒起個價。

e家情況似佢想用$28蚊供多d，我唔理咁多 一於照供。

失敗了

hsbc 己經變左一隻全世界最大既蟹
雖然之前 ...己經減持d ..但聽日 /近期. ..可能有排跌......都係等等好d啦