李嘉誠增持長實15次的結果？

http://sdinotice.hkex.com.hk/di/NSNoticeSSList.aspx?sa2=ns&sid=21550105&corpn=Cheung+Kong+%28Holdings%29+Ltd.&corpndisp=%aa%f8%a6%bf%b9%ea%b7%7e%28%b6%b0%b9%ce%29%a6%b3%ad%ad%a4%bd%a5q&sd=20/11/2008&ed=16/11/2009&sa1=cl&scsd=18%2f11%2f2008&sced=18%2f11%2f2009&sc=1&src=MAIN&lang=ZH


小弟好奇一計，阿李生自9月開始十五次買入長實，平均價係98.21709951！
以現價96.85計..帳面損失10510261..即係係一千萬姐..對佢來講.真係濕濕碎。
但作為一個投資者來講，自9月hsi由萬9點升到e家2萬3點左右..升幅一成有多..如果手中既股票
竟然會令你輸錢，你係未應該反醒下呢？

其實我覺得李生是否增持長實對股價根本沒有什麼指標作用，大家可以睇下，長實既表現只係同其他地產股差唔多，
http://www.aastocks.com/TC/stock/DetailChart.aspx?symbol=00001#GTop

我只能夠認為如果李生唔增持長實既話，佢既股價可能己經跳左水lu。
不過股票一日未賣一日未知輸嬴，可能長實遲d真係會大升呢？其實李生2月低價個時都有買長實嫁..不過買好少好少..少過9月以來任何一次。低個時買咁少..到e家先來買咁多？究竟佢諗緊咩呢？佢真係對後市好樂觀？

我覺得係銀紙眨值之下，樓一定升，但只係會慢慢升。要樓價帶動返股價..可能仲需要一段時間...其實我真係唔識呢d..點都好啦..以上對我來講都係笑話一個...李生並唔係巴菲特..