重要位

大市連續下跌..真係估唔到..都估唔到個底係邊樹..
係亂既情況下
30.25 買了太保 33.8買了人壽
好彩 37.x 放了 國藥..但也不幸地17.x 買了阿里巴巴
........
沒有人想輸錢，所以有人會死不放手上的股票，這些人心裡有一個想法，
放了蝕的股票就等於輸了，一日不放一日就未輸
這個方法有時會幫到你..但有時會累死你..真係要睇下咩時候咩股先可以用呢個方法。

話說今次大跌係..係希臘政府唔知咩原因..無錢還，搞到要歐洲國家傾左一輸.終於借錢俾佢，
但又驚歐羅會被拖掛..搞到歐羅係咁跌..跌到4年底位約1.216 對美元。其實無錢還既係希臘一個細地方，位成個歐洲既經濟有幾多呀？因為一個希臘歐羅就要咁樣眨值法..恐怖到要佢瓦解..
跟住德國限制無貨沽空，股市不升反跌..以後呢一類措思只會係危急既情況下推出，推出之外往往市場都會彈一彈..先再下插..今次竟然彈都唔彈就插..究竟市場e家係未亂晒？好消息當壞消息，壞消息當世界未日？之前杜拜未仲大獲？１日唔見１千點！點解ｅ家無人講嫁？

小弟依然不少貨係手，但今次既命運就交俾市場話俾我知
1.歐羅既～１．２１６　既底位
2. hsbc 71.5 既底位

如果是但一個跌穿，而沒有又快又明顯既反彈，我便沽貨大部貨離場．．
反之～～繼續頂落去　因為我還是相信大反彈快來了 @_@