執行力 同心理質素

好多股仔今日發威, 不過突然諗到以下幾條問題,
有幾多人今日返家嫏？
又有幾多人帳面仲蝕緊？
又有幾多人止蝕左...依家望住d股票係咁升？
又有幾多真係無入市...見高怕高見低等低？


我唔係好識炒波幅, 亦唔算對保險業好熟識，不過對自己定下既計劃就有一定既執行力,
同心理質素。

己經有n個原因叫我買壽仔, 咁就要買..但係要幾錢買？
之前自己估ev 2倍, 即係24..係最低..點...咁31/28/26/25..越低越買, 我無諗住自己會買到個底,
但係定左好價,計劃左.就買, 越跌越買, 買就唔打算放。跌到25蚊個時, 31蚊買緊係做左傻仔,
有人會話早知就唔買住！？我一定唔會咁諗啦！有早知無乞丐！

但係有人會見佢跌, 不如就等下, 31 唔買, 話等30,見30 唔買話等28, 見28 唔買話等26...
結果25 佢都無買到。我咁講唔代表佢錯..可能聽日大跌市..有邊個知？
但係我想講..你既判斷同執行力唔一致！一起你一早話20先買, 唔係你以前決定31買己經
失敗左！

一個無計劃既決定，如果成功只是僥倖！
一個有計劃既決定，就算失敗也有經驗！

同埋係呢d大跌市, 心理質素好緊要, 重要過智識！好多好叻既人...之前放晒壽仔..摸住個底來放....我都唔知點解..